"TIKUYENERA KUMAPAMBANA MASEWERO ONSE" - KAJAWA

Mphunzitsi watimu ya Bangwe All Stars, Trevor Kajawa, wati kugonja kwawo ndi timu ya Mighty Tigers kwawaphunzitsa kuti asamalimbikire masewero aakulu be okha komanso azilimbikira pa masewero aliwonse mu ligi.

Iye amayankhula atatha masewero omwe agonja 1-0 pa bwalo la Kamuzu lamulungu ndipo wati zinawavuta chifukwa amasewera ndi timu yoti akudziwana nayo kwambiri.

"Anali masewero ovuta kwambiri, timasewera ndi timu yodziwana nayo timakonzekerera bwalo limodzi koma zimachitika mu mpira basi tagonja." Anatero Kajawa.

Iye anati sangayankhule zambiri poti anyamata ake omwewo ndi omwe anakwanitsa kuchita bwino ndi Wanderers, Silver ndi Bullets ndipo ayesetsa kuti asuntheko kumunsi komwe ali popeza mapointsi ambiri.

Timuyi ili ndi mapointsi okwana 19 pa masewero 23 omwe yasewera ndipo ili pa nambala 14 mu ligi ya TNM.