FAM YALANGA KAUNDA, THULU

Bungwe loyendetsa mpira mdziko muno la Football Association of Malawi lapereka chilango kwa mphunzitsi watimu ya Karonga United, Oscar Kaunda, kuti asapangenso za masewero zilizonse kwa miyezi kuyambira mwezi uno.

Izi zikudza malingana ndi zomwe mphunzitsiyu anachita pomwe timu yake imakumana ndi Blue Eagles mu chikho cha FDH Bank mmasewero omwe anagonja 2-0 pomwe sanakhutire ndi ziganizo za oyimbira.

Kupatula kusapezeka miyezi imeneyi, iyenso wauzidwa kuti alipire ndalama yokwana K500,000 kamba Ka milanduyi.

Ndipo wotseka kumbuyo kutimu yakeyi, Pilirani Thulu, naye wauzidwa kuti asasewere kwa chaka chimodzi kamba koti anagwira katundu wa oyimbira mmalo obisika pa masewero omwewa.

Zateremu Oscar Kaunda adzayambanso ntchito yake pa 18 June 2025 pomwe Thulu adzayamba pa 18 October 2025.