"LERO TASEWERA NDIPO CHIGOLI TAZICHINYA TOKHA" - KAMANGA

Mphunzitsi watimu ya Kamuzu Barracks, Charles Kamanga, wayamikira osewera ake kamba kosewera mwapamwamba ndi timu ya Silver Strikers ndipo wati Silver sinasewereko mpira wooneka pagolo pawo kupatula kuti azigoletsera okha.

Iye amayankhula atatha masewero omwe agonja 1-0 pa bwalo la Silver lamulungu ndipo wati akonza mavuto awo ndipo ayesetsa kuti athere ndime zomwe adzapezeko ndalama mu ligiyi.

"Anyamata asewera bwino kwambiri ndipo ndiwayamikire kuti achita bwino ndipo Silver sinasewere pagolo pathu kupatula kuti tazigoletsera tokha koma ndi mpira momwe umakhalira tiwayamikire anzathuwa achita bwino apambana." Anatero Kamanga.

Iye anati timu yake ikadali ndi mwayi woti ithere pa nambala yabwino ndipo wati sangafike ku nambala yachisanu mu ligi poti iyo ndi timu yaikulu kwambiri.

KB tsopano yatsika kufika pa nambala yachisanu mu ligi pomwe ili ndi mapointsi okwana 31 pa masewero 21 omwe yasewera chaka chino.