"TIKHONZA KUWAGONJETSA PATAPITA NTHAWI" - KAMANGA

Mphunzitsi watimu ya Kamuzu Barracks, Charles Kamanga, wati timu yake yakonzeka bwino kukumana ndi timu ya FCB Nyasa Big Bullets loweruka ndipo litha kukhala tsiku loyamba kugonjetsa Maule patapita nthawi.

Iye amayankhula patsogolo pa masewerowa omwe aseweredwe pa bwalo la Civo ndipo wati mavuto omwe ali ku Bullets si mwayi wawo kuti apambana mophweka koma akachilimika kuti akachite bwino.

"Ndi masewero ovuta kutengera kuti matimu tonse tikuchoka kofanana mphamvu nde aliyense akafuna chipambano koma ifeyo takonzeka kuti tikachite bwino. Nkhani zaku Bullets ndi zawo ndipo sikuti ziphweketsa masewerowa komabe ifeyo timangomaka kuti tikachite bwino." Anatero Kamanga.

Timu ya Kamuzu Barracks ili pa nambala yachiwiri mu ligi pomwe ili ndi mapointsi okwana 19 pa masewero 10 omwe yasewera ndipo ikutsogola ndi mapointsi anayi pamwamba pa Bullets.