"KULIBE KUPUMA POPITA CHIGAWO CHACHIWIRI" - SULOM

Bungwe la Super League of Malawi (SULOM) lati kulibe kupumira chikatha chigawo choyamba ndipo masewero apitirabe mpaka chigawo chachiwiri cha ligi ya TNM.

Mlembi wamkulu wa bungweli, Williams Banda, watsimikiza za nkhaniyi pomwe wati kuchuluka kwa zikho zimene zikuseweredwa ndi chifukwa chimene chachititsa kuti matimu asapumire.

Izi ndi zosemphana ndi mmene zimachitikira mu ligi ya zaka za mmbuyo monsemu pomwe matimu amapuma kwa masabata awiri. Matimu enanso makamaka omwe anatumiza osewera ku Flames ku Mpikisanowu wa COSAFA, anadandaula kuti osewera awo sanapume ndipo kupumaku kukanawachitiranso ubwino.

Chigawo choyamba cha ligi ya chaka chino chifika kumapeto sabata ya mawa lachitatu pomwe matimu ena atamalize masewero kumapeto a sabata ino.

Wolemba: Hastings Wadza Kasonga Jr