"MWANJIRA ILIYONSE TIKAPAMBANA" - NGINDE

Mphunzitsi watimu ya Creck Sporting Club, Macdonald Mtetemera, wayankhula koyamba chibwerereni kutimuyi kachiwiri pomwe wati masewero awo ndi Premier Bet Dedza Dynamos akuyenera kukapambana mwanjira iliyonse.

Iye amayankhula patsogolo pa masewerowa omwe aliko loweruka ku Dedza ndipo wati timu yake yakonzeka kwambiri kuti akachite bwino mmasewerowa.

"Tikuyembekezera kukhala ndi masewero ovuta poti tikupita koyenda komanso Dedza ndi timu yabwino koma tikufunikira mwanjira iliyonse kuti tipambane ndipo anyamata akudziwa kufunikira kwa mapointsi atatu amenewa." Anatero Mtetemera.

Iye wati osewera ake atatu ndi ovulala ndipo sapezeka pa masewerowa komabe pali osewera ena omwe alowe mmalo mwawo ndi kugwira ntchitoyi.

Timuyi ili pa nambala yachinayi mu ligi pomwe ili ndi mapointsi 31 pa masewero 18 omwe yasewera mu ligi mu chaka chawo choyamba.

Westone Stone fredo