"TIKUYENERA KUZIMENYERA NKHONDO TOKHA" - KAJAWA

Mphunzitsi watimu ya Bangwe All Stars, Trevor Kajawa, wati timu yake ikungoyenera kuti izimenyere nkhondo payokha kuti izigulire malo otsala mu ligi pomwe nkhondo ya mapointsi yakula kwambiri.

Iye amayankhula patsogolo pa masewero awo ndi timu ya Civil Service United pa bwalo la Balaka loweruka masana ndipo wati timu yake ikungoyenera kuti ipambane mmasewerowa.

Iye wati timu yake ikuyenera kulimbikira payokha kuti itsale mu ligi ndipo iye wamema ochemerera atimuyi kuti atuluke pa masewerowa poti zayamba kuoneka bwino ku timuyi.

"Tikuwamema kuti afike pa bwaloli iyi ndi timu yawo ndipo zinthu zikuonekano kuti zikuyenda kuti titha kutsala mu ligi nde sitingasangalaliretu tidzakondwa pa masewero omaliza koma apa tikutenga masewero aliwonse pa okhaokha ndipo ndi Civil tikuyenera kupambana basi." Anatero Kajawa.

Timuyi ili pa nambala yachikhumi ndi chitatu (13) mu ligi pomwe yakwanitsa kutolera mapointsi okwana 24 pa masewero 26.

Wolemba