"OYIMBIRA NDI OMWE ACHITITSA KUTI TIGONJE" - MTETEMERA

Mphunzitsi watimu ya Creck Sporting Club, Macdonald Mtetemera wati ndi wokhumudwa ndi mmene oyimbira achitira pa masewero atimu yake kamba koti ziganizo zambiri zachititsa kuti agonje.

Iye amayankhula atatha masewero omwe agonja 3-2 nditimu ya FCB Nyasa Big Bullets pa bwalo la Kamuzu lachitatu masana ndipo wati othandizira oyimbira agwira ntchito yothandiza Bullets kuti ipambane.

"Anali masewero ovuta kwambiri koma sinnayambeko ndayankhula zokhudza oyimbira koma zomwe atipanga leroli sizoona. Othandizira oyimbira omwe anali mbali ya uko komanso uyu mzimayi mwaona zomwe wapanga watikanira zigoli zabwinobwino zomwe ndi zokhumudwitsa kwambiri."

"Tinagoletsa chabwino chigoli chimodzi chinali offside koma China chinali chabwinobwino kenako mwaona zomwe apanga pachigoli cha Bullets chachitatu nde ku Europe timaona anthu ngati awa akupatsidwa zilango kunonso zitamatero zitha kukhala bwino." Anatero Mtetemera.