"TIMAKHULUPILIRA MBIRI NDIPO TIYIBWEREZA" - KAMANGA

Mphunzitsi watimu ya Kamuzu Barracks, Charles Kamanga, wati timu yake ili ndi mbiri yabwino kuti simagonja nthawi yochuluka Kwa Mighty Mukuru Wanderers ndipo akukhulupilira kuti mbiri izibwereza.

Iye amayankhula patsogolo pa masewero awo pa bwalo la Civo ndipo wati timu yake ikudziwa kuti akhala masewero ovuta kwambiri koma ayesetsa kuti apambane.

"Zokonzekera zayenda bwino kwambiri ndipo tikudziwa kuti akhala masewero ovuta poti Wanderers ibwera mwamkokomo koma tiyesetsa kuti tidzachite bwino. Ifeyo timakhulupilira mbiri nde tikukhulupilira kuti mbiri imeneyi tiyisunga kuti Wanderers siyitigonjetsa." Anatero Kamanga.

Iye wati kusapezeka Kwa osewera ngati Olson Kanjira sikukupereka mantha kwa iwo chifukwa ali ndi ena omwe alowe mmalo mwake.

Timuyi ili pa nambala yachisanu ndi mapointsi 28 pa masewero 17 omwe yasewera mu ligi.