"TIPEZA CHIPAMBANO MMASEWERO OTSATIRA" - MZUNGA

Wachiwiri kwa mphunzitsi watimu ya MAFCO, Jimmy Mzunga, watsimikizira otsatira a timuyi kuti ayesetsa kuti masewero omwe akubwera kutsogolo kwawo apeze chipambano.

Iye amayankhula atatha masewero omwe afanana mphamvu 0-0 ndi timu ya Chitipa United ndipo wati kupeza point koyenda sizinayipe koma amafunitsitsabe kuti apambane mmasewerowa.

"Anali masewero ovuta kwambiri, tinayesetsa kupeza mipata ingapo koma sitinakwanitse kugoletsa. Koyenda kupeza point ndi zabwinobwino chifukwa mapointsi akuvuta kutolera." Anatero Mzunga.

Kutsatira kupeza point imodziyi timuyi yafika pa nambala yachisanu ndi chiwiri (7) pomwe tsopano ili ndi mapointsi okwana 25 pa masewero 18 omwe yasewera mu ligi ya TNM.