"TIKUFUNA KUCHITA BWINO MCHIGAWO CHACHIWIRI" - MZUNGA

Wachiwiri kwa mphunzitsi watimu ya MAFCO, Jimmy Mzunga, wati timu yake ilimbikira mchigawo chachiwiri kuti ichite bwino ndikutola mapointsi ochuluka poti mchigawo choyamba anayamba movutika.

Iye amayankhula atatha masewero omwe afanana mphamvu 2-2 ndi timu ya Civil Service United pa bwalo la Chitowe lachitatu ndipo wati zimachitika mu mpira matimu kufanana mphamvu.

"Ndi zamumpira zimachitika inde anali masewero ovuta komabe tinayesetsa nde ndi zotsatira zabwinobwino. Tikufuna tichilimike kuti mwina titole mapointsi ambiri chifukwa mchigawo choyamba sitinayambe bwino." Anatero Mzunga.

Timuyi ili ndi mapointsi 21 pa masewero 15 omwe yasewera ndipo ili pa nambala yachisanu ndi chiwiri (7) mu ligi ya TNM.