"NDADANDAULA NDI OYIMBIRA" - KAMANGA

Mphunzitsi watimu ya Kamuzu Barracks, Charles Kamanga, wati oyimbira ayambe ntchito yotukula mpira mdziko muno pomwe wati wawathandiza atimu ya Premier Bet Dedza Dynamos kamba koti anali pakhomo.

Iye amayankhula atatha masewero omwe alepherana 2-2 pa bwalo la Dedza ndipo wati ndi okhumudwa kwambiri ndi zomwe oyimbira anachita powapatsa chigoli atimu ya Dedza.

"Ndi zokhumudwitsa kwambiri tikakhala kutukula mpira aziyambira oyimbira osati azikondera timu chifukwa choti ali pa khomo, chigoli chachiwiri inali offside koma oyimbira wawapatsa, opambana azipambana chifukwa analimbikira osati kuti wina wawapatsa ayi." Anatero Kamanga.

Timuyi tsopano ili pa nambala yachitatu mu ligi pomwe yatolera mapointsi 22 mu ligiyi pa masewero 13 omwe yasewera.