"NDI KHUMBO LA WOSEWERA KUTENGA ZIKHO" - KONDOWE

Katswiri womwetsa zigoli kutimu ya FCB Nyasa Big Bullets, Ephraim Kondowe, wati ndi wokondwa kwambiri kuti wapambana zikho zosiyanasiyana ndi FCB Nyasa Big Bullets kamba koti ndi loto la osewera aliyense kuti azipambana zikho.

Iye amayankhula izi atapambana chikho chachinayi ndi timuyi dzulo kutsatira kugonjetsa MAFCO 2-1 ndipo wati chaka chikhudzachi awaonetsa zinthu zambiri anthu.

"Mwina ndimati akandipatsa nthawi ndimagoletsa nde zimandipatsa chilimbikitso akandipatsa maseweronso ena ndi zomwe zimandithandiza kugoletsa mmasewero ambiri. Chaka chino ndawaonetsa zomwe samayembekezera, chaka chikudzachi ndipanga zinthu zomwe sakuganiza koma ine ndimapanga." Anatero Kondowe.

Katswiriyu wapambana zikho za TNM Supa ligi, Castel, FDH Bank komanso Airtel Top 8 mu chaka chimodzi chomwe wasewera ku Bullets atachotsedwa ku Wanderers mu 2023 koyambilira.

Wolemba: Hastings Wadza Kasonga Jr