Bungwe la Super League of Malawi (SULOM) lasuntha masewero a pakati pa FCB Nyasa Big Bullets ndi Civo United kuchoka pa lachinayi, 31 August kufikira lachitatu pa 30 August 2023.

Bungweli silinafotokoza chifukwa chenicheni chosinthira masewerowa koma lati bwalo lomwe adzasewerere likhalabe la Kamuzu.

Komaliza Civo kubwera pa bwalo la Kamuzu, masewero anathera 1-1 ndipo mchigawo choyamba cha ligi, matimuwa analepherananso 1-1 pa bwalo la Civo.