DAVIE WAYAKA MOTO

Katswiri wa timu ya Silver Strikers, Stain Davie, akutsogola pa osewera omwe apezetsa timu yawo zigoli zambiri chaka chino pomwe akukhudzidwa mu zigoli 13 pa zigoli zomwe timu yake yamwetsa chaka chino.

Davie ali ndi zigoli zisanu ndi ziwiri (7) ndipo wathandizira zigoli zisanu ndi chimodzi (6) pa zigoli makumi awiri ndi chimodzi (21) zomwe timu ya Silver yamwetsa mu ligiyi.

Ndipo yemwe amasewera naye mu timuyi, Chimwemwe Idana, ali ndi zigoli zisanu komanso kuthandiza zigoli 7 kuti akhudzidwe mu zigoli 12 chimodzimodzi Lanjesi Nkhoma wa FCB Nyasa Big Bullets yemwe ali ndi zigoli 8 ndipo wathandizira zinayi (4).