"OYIMBIRA ANATIOPSEZERA OSEWERA" - SIBALE

Wachiwiri kwa mphunzitsi watimu ya Blue Eagles, Christopher Sibale, wati timu yake sinasewere bwino mu chigawo chachiwiri cha masewero awo ndi timu ya FCB Nyasa Big Bullets kamba koti oyimbira anaopseza kuti osewera atimuyi amenyedwa.

Sibale amayankhula izi atatha masewerowa kwa atolankhani ndipo anati timu yake ikanatha kuchita bwino koma oyimbira anawachotsa kulimbikira kwa osewera.

"Tinasewera bwino mu chigawo choyamba pomwe tinapeza mipata yochuluka koma titasintha, oyimbira anawauza osewera athu koma osewera mmodzi amenyedwa ati poti timu yathu ikumamenya oyimbira." Anatero Sibale.

Timuyi ili ndi mlandu oti iyankhe pomwe sabata yatha anafuna kumenya oyimbira kamba kosakondwa ndi ziganizo za oyimbira. Mmasewero ndi Bullets, Yamikani Fodya, Hassan Kajoke ndi Ephraim Kondowe anagoletsa zigoli aliyense kuti Bullets ipambane 3-0 pa bwalo la Kamuzu.