Manda wakagwada ku FAM

Katswiri wotseka kumbuyo kutimu ya Civil Service United, Masiya Manda, walembera bungwe la Football Association of Malawi kupempha kuti bungweli lilowererepo pa nkhani yoti achoke kutimuyi.

Mu kalata imene tsamba lathu lawona yati katswiriyu anagwirizana kuti timu imene idzamufune ikuyenera kupereka ndalama zokwana K10 million koma timuyi tsopano ikumukaniza pa matimu omwe akumufuna.

Iye wati akufuna agule mgwirizano wakewu ndi ndalamazi ndipo akuti Civil imuonetse komwe atha kukasiyako ndalamazi.

Katswiriyu wakhala akufunidwa ndi matimu a Mighty Mukuru Wanderers komanso FCB Nyasa Big Bullets koma Manoma ndi omwe akusendera chifupi chomutenga Manda.