"CHINACHAKE CHIKACHITIKA KU AREA 47" - CHIDATI

Wachiwiri kwa mphunzitsi watimu ya Civil Service United, Wilson Chidati, wati timu yake yakonzeka bwino kwambiri ndipo molalo ndi yaikulu pamaso pa osewera awo pomwe akukhulupilira kuti atha kukachita chozizwa ku Area 47.

Iye amayankhula patsogolo pa masewero awo ndi timu ya Silver Strikers pa bwalo la Silver lamulungu likudzali ndipo wati mpira ndi womwe uja omwe iwo ngati Civil amasewera.

"Akhala masewero ovuta kwambiri inde tikuchoka kofanana mphamvu ndi Bullets apa tapita ku mpikisano wina nde takonzeka bwino ndithu anyamata molalo ili pamwamba oti chinachake chikhonza kukachitika kumeneku." Anatero Chidati.

Iye wati timuyi ikupita ikuwawidwa mtima kuti inagonja 0-2 mu masewero amu chigawo choyamba cha ligi nde akayesetsa kuti akabwenzere chipongwe chimenechi.

Timuyi ili pa nambala yachisanu pomwe ili ndi mapointsi okwana 34 pa masewero 22 omwe asewera mu ligi ya TNM.