JUMA WASEWERA BWINO KU CIVIL MU SEPTEMBER

Goloboyi watimu ya Civil Service United, Blessings Juma, wapambana mphoto yake yoyamba chipitireni kutimuyi kuchoka ku Extreme FC pomwe wasankhidwa kuti wasewera mwapamwamba mu mwezi wa September kutimuyi.

Izi zalengezedwa pa tsamba la mchezo la timuyi kuti katswiriyu ndiye watenga mphotoyi yomwe ili pansi pa kampani ya Tree Business Suppliers Malawi Limited.

Katswiriyu yemwe amafana ndi Andre Onana analowetsedwa kuchokera panja pa masewero omwe Civil inagoletsetsa zigoli za msanga ndi FCB Nyasa Big Bullets mu chikho cha Airtel Top 8 ndipo chichokereni wakhala akugwirira masewero atimuyi.

Iye sanachinyitse pa masewero a MAFCO omwe analepherana 0-0, masewero omwe anagonjetsa Premier Bet Dedza Dynamos 0-1 komanso masewero omwe agonjetsa Moyale Barracks 1-0 kumathero a sabata yatha.

Kupatula kukhala pagolo, Juma amathanso kusewera ngati omwetsa zigoli pomwe chaka chatha timu ya Extreme inamugwiritsa ntchito pa masewero awo ndi Chitipa United