"OYIMBIRA WALERO SAMATHA KUIMBIRA" - KAMANGA

Mphunzitsi watimu ya Kamuzu Barracks, Charles Kamanga, walavulira khala la Moto kwa oyimbira, Lameck Manda, kuti samatha kugwira ntchito poti ziganizo zimamuvuta kupanga.

Iye amayankhula atatha masewero omwe afanana mphamvu ndi MAFCO pa Chitowe ndipo ziganizo za oyimbira sizinali zabwino Kwa iwo.

"Oyimbira masewero awawa sanatikonde ndipo uyuyu samatha kuimbira, tinabweraponso pano anawononga masewero nde tisamayesane ngati olephera chifukwa timagwira ntchito kukonzekera basi nkumabwera kudzaononga zinthu, sindikuti MAFCO yachinya chigoli cholakwika koma samadziwa ziganizo." Anatero Kamanga.

Kamuzu Barracks ili pa nambala yachisanu ndi chitatu (8) pomwe ili ndi mapointsi awiri pa masewero awirinso omwe yasewera.