MASEWERO ONSE A CASTEL ALI PA KAMUZU

Bwalo la Kamuzu lichititsa masewero a ndime ya matimu anayi amu chikho cha Castel pomwe bungwe la Football Association of Malawi latulutsa ndandanda wa masiku komanso bwalo lake lolemba masana.

Masewero oyamba aliko loweruka pomwe Silver Strikers ibwerenso ku Blantyre kudzakumana ndi Bangwe All Stars pa bwalo la kamuzu ndipo lamulungu lakelo, FCB Nyasa Big Bullets idzakhala pakhomo kukumana ndi Mighty Mukuru Wanderers mu masewero achiwiri.

Opambana mmasewero onsewa adzakumana mu ndime yotsiriza ya mpikisanowu ndipo wopambana adzapeza ndalama zokwana K50 million. Umu ndi mmene zitakhalire:

LOWERUKA, 23 DECEMBER 2023
•Bangwe All Stars vs Silver Strikers

LAMULUNGU, 24 DECEMBER 2023
•FCB Nyasa Big Bullets vs Mighty Mukuru Wanderers

Reported by Hastings Wadza Kasonga Jr