KHUDA WADYA WANI KU SYRIA

Katswiri wa timu ya Flames, Khuda Muyaba, wamwetsanso chigoli lero ndi kuthandizira china pomwe timu ya Tishreen yagonjetsa Al Hilal 4-1 ku Syria.

Muyaba anagoletsa chigoli chake mchigawo choyamba ndipo zigoli zina zachoka kwa Al-Laith Ali, Mustafa Billona ndi Claude Ike.

Katswiriyu tsopano wagoletsa zigoli zitatu ndi kuthandizira zigoli ziwiri mmasewero awiri oyambilira omwe wasewera mdzikoli mmasiku awiri.