CIVO IKUFUNA K15 MITA, IDZADYAPONSO AKADZAGULITSIDWA KUNJA

Timu ya Civo United ikufuna ndalama yokwana K15 million pa mnyamata wawo, Lloyd Aaron, pomwe matimu ambiri mdziko muno akumufuna.

Izi zadza pomwe katswiriyu analemba kalata yopempha timuyi kupanga zokambirana ndi matimu ena ndipo timuyi sinamutsekereze ndipo yati Aki ndi ufulu ochoka.

Ndipo timuyi yati matimu adziwe kuti Aaron ali ndi mgwirizano wofika mu 2025 ndipo iwo adzafunapo K15 million pa katswiriyu. Ngati timu idzamugulitse kunja, Civo United idzadyaponso K15 pa K100 ina iliyonse.

Matimu a Silver Strikers komanso Mighty Mukuru Wanderers ndi omwe afikira timuyi kufuna zintchito za katswiriyu kuti awathandize mu chigawo chachiwiri. Aaron wadziwika kwambiri pomwe anali ndi Flames ku COSAFA ndipo ali ndi zaka 22.