"NGAKHALENSO BULLETS IKUMAKHALA NDI MANTHA IKAMVA CIVIL" - MAKAWA

Mphunzitsi watimu ya Civil Service United, Abbas Makawa, wati timu yake ilibe mantha ndi timu ya FCB Nyasa Big Bullets poti onse ndi matimu akuluakulu mdziko muno.

Iye amayankhula patsogolo pa masewero awo omwe aseweredwe pa bwalo la Kamuzu loweruka mu chikho cha Airtel Top 8 ndipo iye wati ngati Civil akonzeka mmasewerowa.

"Mmene akumachitira anyamata athu akumatipatsa Chiyembekezo chifukwa akumalimbikira kwambiri zomwe zikumatithandiza kuti tizichita bwino. Tamenya ndi Bullets kawiri kwawo konko kena tinagonja kena kufanana mphamvu zomwe zikuoneka kuti sitinasiyane kwambiri." Anatero Makawa.

Timuyi ikuyenera kuchitiratu bwino koyenda poti adzakumananso ku Civil ku Lilongwe mmasewero achibwereza ndipo opambana pa masewero awiriwa adzakumana ndi opambana pakati pa Chitipa United ndi Kamuzu Barracks mu ndime ya matimu anayi.

Bb2 civo 1