Timu ya Sable Farming ndiyo ilowe mu ligi ya TNM m'chigawo chakumwera.

Izi ndi malingana ndi chikalata chomwe timuyi yalandira kuchokera kwa adindo oyendetsa masewero a mpira wa miyendo.

Timu ya Nyasa Big Bullets Reserves ndiyo inamaliza pa nambala 1 mu ligi yakumwera motsatilidwa ndi Sable Farming.

Koma malingana ndi malamulo zikhala zovuta kuti timu ya chisodzera ya Bullets ilowe mu ligi ya TNM.

M'chigawo chapakati kulowa timu ya Dedza Dynamos pamene kumpoto timu ya Rumphi United ndiyo inachita bwino.