Mtsogoleri wa bungwe la FAM Walter Nyamilandu wati mipikisano yokhudza masewero a mpira wa miyendo koma osewera ake achisodzera ndiyofunika pa nkhani yopititsa patsogolo masewero-wa mdziko muno.
A Nyamilandu ati magulu okhudzidwa akuyenera kutengapo mbali popereka zipangizo zoyenera kwa osewera mipikisanoyi.
Iwo ati kukhala ndi mipikisano ya osewera achisodzera yapamwamba zithandizira kuti timu ya Flames izichita bwino m'masewero ake.
Padakali pano pali chiyembekezo kuti timu yachisodzera ya dziko lino yomwe osewera ake ndi osaposa zaka 20 iyamba zokonzekera zampikisano wa COSAFA mwezi wa mawa.
