NKHANI

Timu ya FCB Nyasa Big Bullets sikhala ndi osewera awo anayi, Mike Mkwate, Frank Willard, Ahamad Kung'unde komanso Chrispin Mapemba kamba koti ndi ovulala patsogolo pa masewero awo ndi Mighty Wanderers.

Mphunzitsi watimuyi, Gilbert Chirwa, watsimikiza za kusapezeka kwa osewerawa pomwe amayankhula momwe timuyi yakonzekerera masewerowa.

Chirwa wati timu yake ikudziwa kufunikira koti apambane masewerowa ndipo alibe phuma lililonse kulowa mmasewerowa.

Masewero anayi omwe matimuwa akumana motsogozana, Mighty Wanderers ndi yomwe yapambana ndipo Chaka chino akumana kale kamodzi.

Masewerowa akaseweredwa pa bwalo la Bingu mu mzinda wa Lilongwe lamulungu kuyambira nthawi ya hafu pasiti 4.