"POINT IMODZI YATIKOMERA" - BUNYA

Mphunzitsi watimu ya Premier Bet Dedza Dynamos, Andrew Bunya, wati kupeza point imodzi koyenda ndi zabwino poti mwinanso akanakanika kupata angakhale point imeneyo kupanga kukakamiza zinthu.

Iye amayankhula atatha masewero omwe anagoletsa chigoli pa mphindi 95 kuti akanize Chitipa United kupambana mmasewero omwe anathera 2-2 ndipo wati mchigawo chachiwiri anasewera bwino.

"Anali masewero ovuta kwambiri poti sitinayambe bwino mchigawo choyamba pomwe amatikakamiza kuti tizisewera mchigawo chathu mpaka anapeza chigoli pa penate komabe tinalimbikira mchigawo chachiwiri pomwe tinapita kwambiri kutsogolo mwinanso zomwe zatithandiza kuti tikakamire mmene zatheramu." Anatero Bunya.

Iye wati timu yake ikuyenera kukonza kaphonyedwe ka mimwayi yochuluka yomwe akumakhala nayo kuti mwina azitha kupambana mmasewero.

Timuyi ikadali pa nambala yachikhumi ndi chimodzi (11) pomwe ili ndi mapointsi 29 pa masewero 24 omwe yasewera.