"TIKHONZA KUGONJETSA SILVER KOMA TITALIMBIKIRA" - KAJAWA

Mphunzitsi watimu ya Bangwe All Stars, Trevor Kajawa, wati timu yake ikhonza kugonjetsa timu ya Silver Strikers koyamba ndikupanga mbiri yaikulu mu ligi koma zitengerano kulimbikira kwa osewera ake.

Iye amayankhula patsogolo pa masewerowa omwe ali pa bwalo la Balaka lachitatu ndipo wati kuchita bwino pa masewerowa kuwathandize kuti mwina ulendo wawo oti asatuluke mu ligi utheke.

"Ndi masewero ovuta kwambiri poti anzathuwa akufuna kutenga ligi komanso ali pamtunda pa ligi koma tikhonza kupambana masewero amenewa ndikupanga mbiri kuti ndife oyamba kugonjetsa Silver koma sizingabwere zophweka koma kulimbikira." Anatero Kajawa.

Iye anati kupambana pa masewerowa kuwapatse masomphenya aakulu kuti isatuluke mu ligi poti mapointsi apita patali.

Timuyi ili pa nambala 14 mu ligi ndi mapointsi 18 pa masewero 21 mu ligi.