"CHOFUNIKIRA NDI KUWINA OSATI KUPATSIRANA" - MWANSA

Mphunzitsi watimu ya Moyale Barracks, Prichard Mwansa, wati timu yake sinasewere bwino pamasewero omwe amasewera ndi Karonga United koma chomwe chimafunikira ndi mapointsi atatu basi.

Iye amayankhula atatha masewero omwe anapambana 1-0 loweruka pa bwalo la Mzuzu ndipo anati timu yake imayenera kupambana chifukwa mmasewero awiri apitawo sanakwanitse kuchita bwino.

"Masewero ayenda bwino chifukwa tapambana lero, tinavutika kwambiri tinafanana mphamvu ndi Bullets ndikugonja ndi Tigers nde mapointsi awawa anali ofunikira kuti tipeze pakhomo zomwe zatheka, sitinasewere bwino inde koma chomwe timafuna ndi kupambana basi." Anatero Mwansa.

Timu ya Moyale Barracks yafika pa nambala yachisanu mu ligi pomwe ili ndi mapointsi okwana 26 pa masewero 18 omwe yasewera mu ligi ya TNM.