"KUVUTA KWA MAYENDEDWE KWATISOKONEZA" - MWANSA

Mphunzitsi watimu ya Moyale Barracks, Prichard Mwansa, wati timu yake inachedwa kufika chifukwa choti bus yomwe Iwo amagwiritsa ntchito imakanika kulira ndipo mayendedwe anakonzedwa mochedwa.

Iye amayankhula atatha masewero omwe agonja 3-1 ndi timu ya FCB Nyasa Big Bullets mu mpikisano wa FDH Bank ndipo wati kuchedwaku kwawasokoneza mu zambiri mpake anapezetsa zigoli mwansanga.

"Tikhonza kunena kuti zatisokoneza chifukwa tinangolowa mu bwalo la zamasewero osaziongola mwinanso ndi zomwe zinapangitsa kuchinyitsa zigoli mwa msanga komabe ndisayankhule kwambiri za zimenezo." Anatero Mwansa.

Iye anati tsopano poti timu yake yatuluka mu chikhochi, iwo ayika chidwi chawo mu ligi ya TNM kuti amalizire pabwino ligi ikadzatha.

Katswiri wotchedwa Babatunde Adepoju anagoletsa zigoli ziwiri pomwe Ephraim Kondowe anamwetsa chimodzi ndi Emmanuel Allan anamwetsa chopukutira misonzi kuti masewerowa athere 3-1.