ASCENT YATI YAPHUNZIRA ZAMBIRI

Mphunzitsi watimu ya Ascent Academy, Thom Nkolongo, wati timu yaphunzira zinthu zambiri mu mpikisano wa COSAFA CAF Women's Champions League zomwe ziwathandizire kukonzanso timuyi kuti ikhale yabwino kwambiri.

Iye amayankhula atatha masewero omwe agonja 3-2 ndi timu ya Gaborone United yaku Botswana kuti atuluke mu mpikisanowu lachiwiri masana.

Iye wati timu yake inatopa kwambiri mchigawo chachiwiri poti mchigawo choyamba anasewera bwino kwambiri ndipo zinali zovuta kuti asinthe ndi kuikapo osewera ena.

"Mwina tinali ndi zovuta zina zomwe zinachititsa kuti tibwere mu mpikisanowu ndi osewera ochepa nde zimavuta kuti tisinthe osewera ena komabe taona zambiri tikabwerera tikakonza mavuto athuwa." Anatero Nkolongo.

Iye wati aphunzira dongosolo la kaseweredwe Ka matimu komanso mphamvu zomwe osewera akuyenera kukhala nazo mu mpikisano waukulu ngati umenewu.

Timuyi yamaliza pansi penipeni pa gulu B la mpikisanowu ndipo matimu a Gaborone United ndi Young Buff