Mphunzitsi watimu ya Moyale Barracks, Prichard Mwansa, wati akonzeka kuti achite bwino pamene akuyembekezera kukumana ndi timu ya Mighty Tigers pa bwalo la Mulanje Park loweruka pa August 17.

M'mawu ake mphunzitsiyu wati akudziwa kuti adzakhala masewero ovuta kutengera kuti Tigers ili pakhomo komanso ndi mmene matimu aimira pa ndandanda wa matimu mu ligi.

"Ife takonzekera masewerowa. Mchigawo choyamba tinawina kwathu 1-0 nde tikudziwa kuti masewerowa akhala ovuta kutengera kuti Tigers ndi timu yabwino komanso ndi mmene ligi ilili panopa masewerowa siakhala ophweka koma tiyesetsa kuti tichite bwino," watero Mwansa.

Moyale ikukasewera masewerowa ili pa nambala yachisanu ndi chinayi (9) ndi ma points okwana 23 mumasewero 16 ndipo idamwetsa zigoli 17 ndi kumwetsetsa zigoli 14.

Mighty Tigers ili pa nambala 12 ndi mapointsi 15 itamwetsa zigoli 11 ndikumwetsetsa zigoli 23 mu masewero 16 omwe yasewera.

Sabata yatha Moyale idafananitsa mphamvu itachokera kumbuyo m'masewero omwe adatha 1-1