"TAKHUTIRA NDI MMENE TACHITIRA MCHIGAWO CHOYAMBA" - MWANSA

Mphunzitsi watimu ya Moyale Barracks, Prichard Mwansa, wati ndiwokondwa poti timu yake yamaliza chigawo choyamba ndi mapointsi abwino ndipo wati alimbikira kuti achite bwino mchigawo chachiwiri cha ligi.

Iye amayankhula atatha masewero omwe afanana mphamvu ndi Silver Strikers 0-0 pa bwalo la Mzuzu lamulungu ndipo wati timu yake inasewera bwino kwambiri komanso wakondwa ndi mmene achitira.

"Takhutira ndi mmene tachitira mchigawo choyamba, inde panali masewero ena mwina tikanachita bwino koma anyamata analimbikira kuti tikhale pomwe tilipa ndipo kusagonja pa bwalo la Mzuzu zatithandiza kwambiri." Anatero Mwansa.

Iye wati timu yake ikhale ndi mwayi wowonjezera kutsogolo kwawo osewera angapo poti masewero achuluka mu ligi ndi zikho zina.

Moyale ili pa nambala yachisanu mu ligi pomwe ili ndi mapointsi okwana 22 pa masewero 15 omwe yasewera mu ligi ya TNM.