MOYALE YAKWIYA NDI SULOM

Timu ya Moyale Barracks yalembera kalata bungwe la Super League of Malawi kuti litsatire kusakondera komanso kukonza zinthu ngati momwe amanenera kuti zinthu zawo ziziyenda bwino.

Iwo afunsa bungwe pa nkhani ya kuphwanyidwa kwa bus yawo ndi atimu ya Dedza Dynamos komanso kuti osewera ena anavulazidwa ndipo SULOM sikukakamiza Dynamos pa chigamulo chomwe inapatsidwa kuti ichite.

Pa 20 February chaka chino, SULOM inauza Dynamos kuti ikonzetse bus ya Moyale komanso kulipira pa thandizo lililonse la chipatala la osewera omwe anavulala pa chiwembuchi komatu chichokereni pa 14 October 2023, Dynamos sinalipire komanso SULOM yangoti chete.

Iwo ati akufuna kuti a Dedza Dynamos akonzetse bus yawoyi komanso apereke chipukuta misonzi kwa osewera omwe anagenda pa mchitidwewu.

Iwo atinso adabwa ndi kuthamangitsa milandu pa nkhani ya FCB Nyasa Big Bullets ndi Silver Strikers pomwe mwa zina, Bullets inakonza bus ya Silver komabe ayilipilitsa ndalama yoonjezera pomwe Dedza