SINGINI WAPATSIDWA K100,000 POSEWERA BWINO NDI BULLETS

Mmodzi mwa masapota a timu ya Mighty Mukuru Wanderers, Mphatso 'Monty' Howahowa apereka ndalama zokwana K100,000 kwa katswiri wapakati watimuyi, Blessings Singini kamba kosewera bwino pomwe timuyi imasewera ndi FCB Nyasa Big Bullets loweruka lapitali.

Howahowa anapereka ndalamayi lachiwiri pomwe anapita komwe timuyi imachita zokonzekera pa masewero awo ndi Karonga United kumathero a sabatayi.

Poyankhulapo atapereka ndalamayi, Howahowa anati wapereka ndalamayi kuti osewerayu apitilize kulimbikira komanso kumenyera nkhondo timuyi kuti izichita bwino.

"Osewera angapo anasewera bwino kwambiri ndipo Singini anali mugulu lomwelo ndipo inali Derby yake yoyamba koma anasewera mwapamwamba nde ndinasankha kumupatsa ndalamayi pomuthokoza ndi mmene anachitira koma kumulimbikitsa pamodzi ndi osewera enanso kutimuyi." Anatero Howahowa.

Awa anali masewero achitatu a Singini kusewera kutimu ya Mighty Mukuru Wanderers ndipo achiwiri kumaliza o