HAMMERS YAWINA K90 MILLION KU BETIKA

Kampani yopanga za mlosera ya Betika yasainirana mgwirizano wa zaka zitatu ndi timu ya Mzuzu City Hammers omwe timuyi izilandira K30 million pa chaka chilichonse.

Mgwirizanowu wasainidwa lachisanu ku Mzuzu komwe mwa zina amaulula zamumgwirizano wawo komanso kuonetsa unifolomu yomwe agwiritse ntchito chaka chino.

Wapampando watimuyi, Gift Mkandawire wati ndi wokondwa kamba Ka thandizoli pomwe lithandize kuti timuyi iyende bwino mu zaka zitatu zikudzazi.

"Matimu ang'onoang'ono ngati ifeyo timakumana ndi mavuto osiyanasiyana nde anzathuwa abwera nthawi yabwino atithandizako kuchepetsa mavuto omwe timakumana nawo." Anatero Mkandawire.

Ndipo mkulu wa kampani ya Betika, Gift Govati, wati akufunitsitsa atatukula luso la mchigawo chakumpoto poti kwa nthawi yaitali limavutika kuti lionedwe ndi anthu.

Timuyi iyamba kugwiritsa ntchito makaka olembedwa Betika loweruka pomwe akukumana ndi Baka City pa bwalo la Mzuzu mu masewero awo achiwiri amu 2024 TNM Su