ATSIGAH WAPITA KU BANGWE

Timu ya Bangwe All Stars ikupitiliza kuzilimbitsa patsogolo pa ligi ya chaka cha 2024 pomwe yatenga katswiri watimu ya Karonga United, Eric Atsigah, kuti atumikire timuyi.

Atsigah, yemwe kwawo ndiku Ghana, watsanzika ku Karonga pomwe wakana kuonjezera mgwirizano wake ndi timuyi ndipo tsopano wati akubwereranso mu mzinda wa Blantyre.

Iye wasewerapo matimu a Masters Security ndi Mighty Mukuru Wanderers asanapite ku Karonga.

Timu ya Bangwe sinatsimikize za osewerayu pomwe zikumvekanso kuti yasaina ena monga Davie Tobias, Ghedo Lorenzo, Rajab Nyirenda, Josiah Duwa komanso Justice Honde.

Wolemba: Hastings Wadza Kasonga Jr