WANDERERS TSOPANO IYANKHA PA MILANDU ITATU

Bungwe la Football Association of Malawi tsopano yaika milandu itatu yomwe timu ya Mighty Mukuru Wanderers iyankhepo pomwe inaononga mipando ya pa bwalo la Bingu komanso kukana kumaliza masewero omwe ankasewera ndi Silver Strikers.

Izi zadza pomwe zilango zomwe timuyi inapatsidwa zachotsedwa ndi cholinga choti akaimve kaye mbali yake asanawapatse chilango pa milandu.

FAM yati Wanderers ili ndi mlandu wosiya masewero kuti asathe zomwe ndi zosemphana ndi malamulo a Airtel Top 8, kuyambitsa ziwawa komanso kuphwanya mipando ya bwalo ndipo zonsezi zabala mlandu wachitatu wonyazitsa dzina la Airtel, FAM komanso mpira wamiyendo.

Padakali pano, Wanderers ikhala ndi tsiku limene ikakumane ndi komiti yokhazikitsa bata ku bungweli kuti akayankhepo pa mlanduwu.

#KasongaJr