KAJOKE SAPEZEKA KWA MASABATA AWIRI

Katswiri wa timu ya FCB Nyasa Big Bullets, Hassan Kajoke, sapezeka kwa masabata awiri tsopano pomwe anavulala mmasewero omwe timuyi inalepherana 0-0 ndi MAFCO lachitatu lathali.

Kajoke anavulala patangotha mphindi ziwiri atangolowa mmasewerowa ndipo anatuluka pomwe Maxwell Gasten Phodo anatenga malo ake.

Mphunzitsi watimuyi ndi yemwe watsimikiza za nkhaniyi patsogolo pa masewero awo ndi timu ya Extreme FC mu TNM Supa ligi ndipo osewera ngati Precious Sambani sapezeka kamba kokhala ndi makalata achikasu atatu.