"OSEWERA A BULLETS ASIYA POMPANO" - MISELENI

Mphunzitsi wa timu ya osewera akale a Mighty Wanderers, Darlington Miseleni, wati timu yake inachepera mphamvu poti osewera ake ambiri anasiya mpira kalekale kuposera a Bullets omwe asiya mpira posachedwa.

Iye amayankhula kutsatira kugonja kwawo 3-1 ndi timu ya Bullets mu Premier Bet International Legends Cup pa bwalo la Kamuzu masana a loweruka.

Iye wati zawapweteka poti akanika kuteteza chikhochi komabe iwo sakuyang'ana pansi.

"Ifeyo mphamvu tinachepekedwa kusiyana ndi anzathu a Bullets omwe mpira asiya pompano koma athu anasiya kalekale mafuta mu thanki anatha." Anatero.

Wanderers ikumana ndi Dynamos yaku Zimbabwe polimbirana pa nambala yachitatu lamulungu pa bwalo lomweli.