"ANYAMATA ATHU NDI OTOPA KWAMBIRI" - MUNTHALI

Wachiwiri kwa mphunzitsi watimu ya FCB Nyasa Big Bullets, Heston Munthali, wati ndi zosadabwitsa kuti timu yake tsopano yagonja ndi Civo United kamba koti anyamata ake atopa kwambiri kamba ka kuchuluka kwa masewero.

Iye amayankhula izi atatha masewero omwe timuyi yagonja 1-2 pakhomo komabe apitilira kufika ndime yamatimu anayi a chikho cha Airtel Top 8 3-2 pa masewero awiri. Iye wati kutopa kwa osewera kukupangitsa kuti azingovulala.

"Mmene takhala tikunenera, anyamata atopa nde masewero aliwonse tikumaluza osewera, onani lero Gome wavulala. Ndikutopa kumene chifukwa sitingati masiku awiri kusewera enanso awiri kusewera, awa ndi matupi amafuna kupuma komabe sitingachitire mwina." Anatero Munthali.

Timu ya Bullets inapata chigoli mu mphindi yoyamba kudzera mwa Maxwell Gasten Phodo koma Lloyd Aaron anabwenza pa penate Chifundo Ngapemba asanamwetse mchigawo chachiwiri. Bullets ikumana ndi Blue Eagles mu ndime yamatimu anayi.

1 - 1 prediction