MARINICA WAYAMIKIRA MABEDI

Mphunzitsi wakale watimu yampira wamiyendo ya dziko lino Marian Mario Marinica wayamikira Patrick Mabedi kamba kochita bwino ndi timu ya Flames kumpikisano wa Cosafa wachaka chino omwe ukuchitikira ku Durban dziko la South Africa.

Malawi yalephera kufika ndime yotsiriza ya mpikisanowu dzulo pomwe yafa 3-0 kudzera pa mapenalty mumphindi 90 masewero anathera 1-1 koma inapambana masewero onse a mugulu kuti ifike mu ndimeyi.

Marinica wati Mabedi ndi mphunzitsi wabwino kwambiri ndi chifukwa chake iye anamutenga kuti akhale omuthandizira pa nthawi yake kutimuyi.

"Ndiyamikire Mabedi komanso anyamata pantchito yotamandika yomwe agwira kumpikisano wachaka chino, Palibe yemwe amapereka mpata kuti angachite motere. Mabedi ndimphunzitsi odziwa pantchito yache ndiye chifukwa munthawi yomwe ndinali mphunzitsi wa Malawi ndinamukhulupilira kuti akhale wachiwiri wanga," watero Marinica kuuza Garry Chirwa wa Nation Newspaper.

Malawi ikumana ndi South Africa loweruka