Bungwe loyendetsa mpira wamiyendo mdziko lino la Football Association of Malawi (FAM) lalemba ntchito yemwe anali m'phunzitsi wa timu ya Nyasa Big Bullets, Kalisto Pasuwa.

Malingana ndimalipoti kuchoka mnyumba zosiyana-siyana zosindikiza nkhani mdziko lino, chakomera FAM kulemba m'phunzitsiyu mwa mayina aaphunzitsi angapo omwe bungweri linapatsidwa kuti alembedwe ntchitoyi kutsatila kuchotsedwa kwa m'phunzitsi wakale Patrick Mabedi.

Kutsatila kuchotsedwa kwa a Mabedi kumapeto kwa chaka chatha Kalisto Pasuwa adapatsidwako mwayi ophunzitsa timu ya Flames ngati m'phunzitsi ongogwilizira mothandizidwa ndi yemwe adali m'phunzitsi wa timu ya Silver Strikers panthawiyo, Peter Mponda pomwe adakwanilitsa kutolera ma points anayi pamawewero awiri omwe adapatsidwa.

Zatelemu Pasuwa akupatsidwa mphanvu zosankha anthu omathandizila kugwila naye ntchito.