DEDZA YAIKA NYONDO PA K15 MILLION

Timu ya Dedza Dynamos yalengeza kuti ivomera kugulitsa katswiri wawo, Clement Nyondo, pokhapokha timu yomwe ikumufunayo ipereke ndalama zosachepera K15 million.

Mlembi wamkulu watimuyi, Kondwani Banda, watsimikiza zankhaniyi mkatikati mwa mphekesera zoti matimu angapo akumufuna.

Iye wati katswiriyu ndi golide ndipo ngati anakwanitsa kumwetsa zigoli zambiri mu ligi ndekuti si osewera wamba ndipo matimu akuyenera kufapo kuti amutenge katswiriyu.

Matimu a Silver Strikers, Mighty Mukuru Wanderers komanso Shingida Fountain Gate yaku Tanzania ndi omwe akufunitsitsa kwambiri kumutenga katswiriyu.

Nyondo anapambana mphoto yomwetsa zigoli zambiri mdziko muno pomwe anagoletsa zigoli 16 mu ligi ya 2023 kuthandizira Dedza Dynamos kuthera pa nambala yachisanu ndi chiwiri (7).