FAM IPEREKA K0.45 BILLION KWA MEKE MWASE

Bwalo lamilandu ku Blantyre lagamula kuti bungwe la Football Association of Malawi apereke ndalama pafupifupi K450 million kwa mphunzitsi wakale wa Flames, Meke Mwase, kamba kochotsedwa ntchito mopanda lamulo.

Bwaloli lati FAM ilipire Mwase ndalama ngati zomwe amamupatsa Mario Marinica chifukwa iye amapatsidwa K1.3 million pomwe Marinica anapatsidwa K12.9 million ngakhale ntchitoyo ndi imodzi.

Woyimilira pa mlandu kwa Mwase, David Kanyenda, wati ndi wokondwa ndi mmene mlanduwu ukuyendera.

"Bwalo linaunikira bwino nkhani ya malipiro nde apeza kuti zomwe zimachitikazi unali mchitidwe wosalana poti uyu ndi mmalawi amapatsidwa ndalama zochepa." Anatero Kanyenda.

Bwaloli lapeza kuti FAM inalakwitsa kuchotsa Mwase kamba koti analembedwa ndi boma la Malawi osati bungweli ndipo bwaloli lapititsa mlanduwu ku bwalo lalikulu pa nkhani yowachotsa mosakhala bwino komanso kuipitsilidwa mbiri.

Mwase akhala mphunzitsi wachiwiri kuchokera kwa Ernest Mtawal