"CHAKA CHINO ANTHU AMBIRI SANATIPATSE MPATA" - SAMBANI

Mtsogoleri wa osewera ku timu ya FCB Nyasa Big Bullets, Precious Sambani, wati ligi ya chaka chino yakhala ya mtengo wapatali ndipo wati ndi chaka chimene osewera alimbikira kwambiri poti mpira unavuta.

Iye amayankhula izi patsogolo pa masewero awo ndi timu ya Silver Strikers pa Kamuzu mu masewero olimbirana ukatswiri wa ligi ndipo wati akudziwa kuti nkhondo siyinathe koma alimbikira kuti akapambane.

"Tikuwatenga ngati masewero aliwonse omwe mwina tikufanana mapointsi nde tikufuna ifeyo titsogole, nkhondo ilipo poti Silver ikungofunikira zigoli zinayi koma ifeyo tiyesetsa kuti tikapambane." Anatero Sambani.

Iye wati mgwirizano wa osewera komanso kulimbikitsidwa ndi aphunzitsi atimuyi kwathandiza osewerawa kuti alimbikire mpaka ali pa nambala yoyamba pano. Timuyi ikungofuna point imodzi kapena isakagonje ndi zigoli zodutsa zitatu kuti itenge ligi ya TNM.

Wolemba: Hastings Wadza Kasonga Jr