"MALAMULO AKUNENAWO NDE SITIKUWADZIWA" - HUMBA

Mtsogoleri wa bungwe loyendetsa mpira kummwera kwa dziko kuno la Southern Region Football Association, Raphael Humba, wati sakudziwa zoti kuli ndondomeko ya kasankhidwe ka anthu opita ku chisankho cha FAM ndipo ngati zilipo apatsidwe kuti awone.

Iye wayankhula izi poyankhapo pa nkhani yoti bungwe loona za ziphuphu ndi katangale mdziko muno likumufufuza kamba kosokoneza malamulo pofuna kusankha anthu okavota. Iye wati amatsatira malamulo a bungweli.

"Akukamba za ma by-laws omwe ifeyo sitikuwadziwa ndipo ku bungwe lathu kulibe moti tiwapempha kuti atipatseko tiwawone koma ntchito yosankha anthu kuti akatiyimilire ku FAM pa chilichonse amasankha ndi chair nde malamulo enawo sinkuwadziwa." Anatero Humba.

Bungwe la Malawi National Council of Sports lauza FAM kuti ilembe lipoti yokhudza mmene anthu ovota amasankhidwira ku bungweku ndi zomwe ankakambirana pa mikumano ya SRFL mu zaka za mmbuyomu.

Wolemba: Hastings Wadza Kasonga Jr