ACB YALANDIRA NKHANI YOTI HUMBA AMAKAKAMIZA ANTHU KUVOTERA NYAMILANDU

Bungwe la Malawi National Council of Sports lalembera bungwe la Football Association of Malawi kuti Anti-Corruption Bureau lalandira dandaulo loti mtsogoleri wa Southern Region Football Association, Raphael Humba, amasokoneza malamulo kuti anthu avotere Walter Nyamilandu Manda.

Mu kalata imene Sports Torch yalowa usiku wapitawu yati kukakhala msonkhano waukulu ku FAM, mabungwe akumpoto, pakati ndi kummwera amakhala ndi mkumano wawukulu ndipo kulikonse kumachokera anthu asanu ndi mmodzi (6).

Pa anthuwa, atsogoleri, msungichuma ndi alembi amayenera apezekeko pomwe enawo amachita kusankhidwa mwa chisankhesankhe malinga ndi lamulo. Zamveka kuti a Humba amasankha okha anthu opita ku msonkhanowu omwe akuoneka kuti angasankhe Walter.

MNCS yauza FAM kuti itumize malamulo a bungwe la SRFA komanso mmene ankasankhira anthu ndi zomwe ankakambirana pa mikumano ya mmbuyomu ku bungweli pasanakwane pa 01 December 2023. Humba aku