BULLETS RESERVE YATULUKA MUMPIKISANO WA NYASA CAPITAL FINANCE CUP

Timu ya FCB Nyasa Big Bullets Reserve yatuluka mumpikisano wam'chigawo chakum'mwera wa Nyasa Capital Finance Cup, pamene yagonja masana a lero ndi timu ya Zingwangwa United ndichigoli chimodzi kwa duu mumasewero andime yachipulura yampikisanowu pabwalo la Chiwembe munzinda wa Blantryre.

Chigoli Cha Joseph Mkhuku chobwera m'chigawo chachiwiri mumphindi 76 kutsatira kulephera kuyakhulana kwa otseka kumbuyo a Bullets Reserve ndichomwe chatengera timu ya Zingwangwa United mundime yamatimu 16 mumpikisanowu.

Zateremu timu ya Zingwangwa United ikumane ndi timu ya FOMO FC mundime yamatimu 16 ampikisanowu.

Timu ya Bullets Reserve ndiyomwe yakhala ikusunga chikhochi kwadzaka dziwiiri motsogozana.

Wolemba; Frank Mojah Dzuwa